يا وجباتك يا شيكاغو !!!

صديقي العزيز ( خالد المصباح ).. بحكم إقامته فترة فى شيكاجو .. عزمنى فى مطعم أمريكي , لكن بيقدم أكلات مصرية  .. سعادتي كانت فى توقعى إنى هاشوف عمال مصريين و أقدر أطلب براحتى من غير إحراج اللكنة و اللغة و الكلام المقصوص  و الحروف المبتورة , و حرف ال ( تي ) اللي سقط سهواً من أفواه الأمريكان  .. و كده !

لكن , توقعي ذهب أدراج الرياح , عندما وجدت كل العمال أمريكان !! .. و من الزنوج  ذوى البشرة الداكنة جداً ... و كأنهم ورايا ورايا بلكنتهم الغير مفهومة لى على الإطلاق !!

تركت مهمه طلب الأوردر ل (خالد ).. حيث ساعدته فترة اقامته السابقة على التفاهم معهم بسلاسة ..

بعد فاصل من الرطم بينهم و بين بعض .. و أنا باصص لهم بمنتهى البلاهه .. انزوينا جانباً حتى يتم تحضير الأوردر ... و بعد دقائق نادى علينا العامل و بيده الأكياس .. أعطانى خالد كيساً و قال لى : كل و ادعى لى :)

ذهبت إلى غرفتى لأفتح الكيس .. وجدت علبتين .. علبة بها رز مخلوط .. أبيض على بني ... مع نصف فرخة مشوية .. مع سيخين كباب ... مع شوية خضار مشكل شكلهم يرد الروح .... و أما العلبة الأخرى فكان بها سندويتشين فلافل  منتفخين و منبعجين و كأنهم فى الشهر التاسع .. فشر محمد أحمد !!!!!

ضربني الجوع ثانى يوم .. لكن رفيقي (حالد ) قد سافر قبلي و تركنى وحيداً ... أردت تجربة الأمس .. لكن كيف التصرف مع الإخوة الزنوج !!! .. فكرت ان أدّعى أنى من جماعة الصم و البكم و استخدم لغة الاشارة

إستجمعت كل شجاعتى و ثقتى بنفسي ... ايه يابوحميد !!! .. فيه ايه يابني !! أومال لو ماكنتش استشارى و قاعد ترطم بالانجليزى من يوم ما اتغربت , كنت عملت ايه !!!! ...

نفخت نفسي على قد ما قدرت .. و ذهبت بكل الثقة المصطنعة إلى العامل الزنجى , قائلاً و قد أكلت نصف الكلام مثلهم

: howawyo....................... ( يعنى  how are you  )

: affine ......... (عرفتوا معناها خلاص J يعنى  I am fine  )

:  I wanna 2 falafel sandwich .. and plate of kabab, chicken , mixed rice and vegetables

( أعتقد يعنى أنا كده فى السليم السليم يعنى ... الكلام واضح أهو , و زى الفل و مترتب على الآخر J ) 

لكنه عاجلنى بسؤال .. و هذا ما كنت أخشاه !! .. يا عم الحاج حط لى أم الأوردر من غير ما تسأل !! 

: do u mean rice widjan do braw ?

لم أفهم أي مما قاله !!!! ... فقلت
:

OK !!:

: would u like idsepara or dobala or whad ?

:OK !!!

: I pud id in do or oan or nil ?

: OK !!!

: I mean can I serve id widdoutboilenmaxederaooohy ?

: OK !!!

: do you like id inside or outside ?

: No … No , outside , please

( أخيراً فهمت منه جملة ... بس ما فهمتش الرد بتاعى !!! L )

: do you wanna in one or two baks ?

:  no … or yeah … in one , please

( تانى جملة أفهمها , بس مش فاهم الموضوع برضه !!!! )

:  any think else ?

: thank you ... thank you very much

.........

نظر إلي و كله استغراب .. و أنا و لا هممنى منظر  his mother !!

كل ما أفكر فيه الان وجبتي الدسمة .. الكباب و الدجاج و الخضار ابو ريحة تهبل و الرز الأحمر و الأبيض اللى حأنسف 
 حالاًtheir father 
و فى العشاء أحبس بساندويتشات الفلافل .. و ليلتك غازات يا معلم :) :)  :)

اختفى قليلاً وراء الكاونتر .. ثم أعطانى كيساً به وجبتي .. أخذتها كالثعلب الظافر بدجاجة ثمينة .. ثم ذهبت إلى غرفتى و قد سال لعابي

  house of your father.. قلت فى عقلي : الله يخرب 

يعنى أطلب علبتين , تحطهم لى كلهم فى علبة واحدة !!

.... only !!!!! المهم .. فتحت العلبة لأجد  يها .. رز أبيض و فلافلاية واحدة